易小玲赴台做整形手術
【本報訊】「就咁樣戴口罩一世，得唔得？其實自己知道唔得！」菲律賓人質慘案發生至今超過三年，傷者易小玲共接受大大小小手術卅多次，但下顎傷口卻因骨枯、發炎等問題，情況比去年更差，曾想過放棄，但為過正常生活，決定繼續面對療程，今天將出發前赴台灣，預計下周三在當地接受整形手術。治療過程仍需兩年，一旦康復除下口罩，「同我個仔影番張相」是她最想做的第一件事。
「捱咗好多苦 好似白捱」
易小玲接受電視台訪問，指嘴仍向一邊傾、不能緊閉，「一日到黑流口水……行路時自己流出嚟」。她曾在港接受游離皮瓣手術，將小腿骨、盆骨移植到下顎，今年八月卻因發炎等問題需全部取出：「捱咗好多苦，好似白捱。」
「香港呢邊叫我唔好諗。」易指曾想過放棄，但兒子常問她：「媽咪點解你變成咁，你以前好靚！」令她不知如何回應，只能對兒子說，「總之你乖，聽話，媽咪好快好番」，「咁佢又會好開心，話我會好乖o架！」為兒子及生活她堅持繼續療程。
早前台灣一間大學醫學院指可幫她種牙，「好開心，同香港真係兩個版本」，她將於下周三做手術，料首兩次手術相對困難，加上仍有各種修補手術，過程或需兩年，若到時可除下口罩，她首先想與兒子合照：「我好耐冇同佢影過相，親子旅行我冇去過，真係覺得有啲虧欠。」
行政長官梁振英昨重申，港菲政府高層一直就事件保持接觸，且有一定進展，已有階段性成果，若雙方最終無法達成協議，不能滿足死者家屬及傷者要求，不排除向菲方實施制裁。