慈善基金：愛心廊：瀕盲梁婆婆盼保僅餘視力
活力婆婆有失明之虞，需靠善長施援以保視力！年過八旬的梁尾原可自理生活，平日慣與老伴逛街、跟街坊「打牙骹」，雖貧亦樂。可惜近日在黃斑點病變困擾下，視力僅剩兩成，瀕臨失明。婆婆坦言對一萬二千元治療費一籌莫展，希望東方日報慈善基金助以籌措，避過致盲的命運。
梁尾數十年來一直過着簡樸生活，平日除打理家務，只會到街市買菜燒飯，「依家啲嘢咁貴，一定要自己去街市格價，揀啲平嘅魚同菜，加舊豆腐咁就一餐，有時見到啲街坊就傾下偈，開開心心又一日！」梁指視力還未轉差前，偶爾仍會與丈夫四出遊覽香港，坦言生活雖不富足，但知足常樂。
綜援維生 夫恐無力照顧
直至去年，婆婆的右眼證實患有白內障，接受治療後情況未見改善，更幾近失明，自此只能依賴左眼視物。未料月前婆婆突感頭痛難當，到私家診所求診後發現左眼出血，更有失明之虞，「醫生轉介咗我去眼科醫院，以為隻眼有得醫啦，點知話要拎萬幾蚊出嚟先醫到，就算綜援出雙糧、唔食半年都唔夠錢畀，好驚會盲，好無助！」婆婆的老伴亦無奈地說：「我有老人病，糖尿、高血壓，如果佢睇唔到嘢，我都擔心照顧唔到佢……」
黃斑點病變 視力僅兩成
香港眼科醫院發言人證實，病人早於○六年證實雙眼患上近視性黃斑點病變，兩眼視力都少於兩成。近月覆診時證實左眼黃斑點區有出血現象，經眼底血管造影檢查證實左眼黃斑點有新生血管，建議左眼接受「樂明晴」治療，注射費用為一萬二千元，需注射一次。倘病人未有接受有關治療，視力會可能轉差，治療則可減低病情復發及致盲的機會。
婆婆與丈夫現靠綜援金維生，並無積蓄，而兩名兒女亦各有家庭，梁婆婆不欲成為兒女負擔，希望在基金呼籲下獲熱心善長捐助，籌措善款以展開治療，不致老來才墮進黑暗深淵。
捐款編號：12480
記者：黃芷君
攝影：阮佩君