香港電台繼早前申請耗資六十億元興建將軍澳新大樓，又申請近八千萬元分別延長負責新大樓等任務嘅副廣播處長任期五年，以及興建二十二個數碼電視輔助發射站。立法會資訊科技及廣播事務委員會尋日討論港台兩項撥款申請。議員鍾樹根兩度話，政府未有將兩項撥款申請放入新大樓開支，就好似「沙煲罌罉另外再買」，質疑係「未過門，先洞房，米已成炊，造成既成事實」，又以大閘蟹比喻，「先過咗爪、腳，到時嗰隻大閘蟹個身，唔過都唔得」。講咗咁多比喻，明晒啦，港台仲唔知難而退？
