維修沖身格 康文署奇慢
西灣河遊樂場設四個網球場，平日使用者眾，但男更衣室卻僅設兩個沖身室，馮先生（化名）近日更發現其中一個已待修多時，「本身已經得嗰兩格沖身室，仲要封咗一格，整咁耐都未搞掂，試過等成四個字先有得沖身，好似醃鹹魚咁！」馮先生不滿康文署辦事效率奇低，令市民飽受不便。
康樂及文化事務署發言人表示，職員巡查時發現有關沖身室的熱水爐出現故障，隨即圍封及聯絡工程部門進行維修，經檢查後發現熱水爐損壞嚴重，需訂購新熱水爐以作更換。發言人補充，更換工程已告完成，沖身室現已重新開放供市民使用。
「咁多人打網球，一節時間完咗就會湧去沖身，咁大需求，康文署點解整個爐都可以拖咁耐？」馮先生認為康文署對轄下設施責無旁貸，日後必須改善行政效率，做到真正服務市民。