政情：公民講場：「毛」理取鬧 冇講就做

公民黨立法會議員毛孟靜（阿毛）尋日出席政改論壇嗰時，就住公民提名係咪符合《基本法》就大放厥詞。阿毛話，成份諮詢文件冇提過「公民提名」，係鳥籠政治、假諮詢，又話公民提名係普世價值同人權，政府憑乜嘢話唔符合《基本法》第四十五條嘅「民主程序」，仲話《基本法》冇提過市民可以食飯同呼吸，普通法下法律冇講嘅嘢就可以做。其實特首提名同食飯呼吸，兩者都唔可以咁樣比較，做議員都打橫嚟講嘅。