政情：無懼禽流 名人照食雞

恒隆集團董事總經理陳南祿話唔驚禽流感，雞照食可也。 （嚴少阡攝）

愛沙尼亞駐港名譽領事林建康太太黃寧艷最重視家人健康，佢尋日現身馬場，傾起食雞，佢話買雞時只揀香港農場培育、生產，有晒衞生檢疫嘅健康雞。打激素谷肥嘅大雞，一定唔買。雖然疫情喺內地升溫，但係林太話，現階段無諗過停食雞，只叮囑傭人煮雞時煮熟啲。

• 林建康（右）太太黃寧艷（左）為家人健康着想，嚴選無打激素的健康雞。（陳嘉順攝）

太子珠寶鐘錶執董鄧宣宏雁都係精明主婦，佢話，雞一樣照食，但提醒傭人去街市買雞時，要揀有信譽的舖頭，又寧願貴一點，柯打喺優質農場飼養嘅雞隻。經歷全港殺雞一役，香港人自有一套「禁雞指標」，覺得唔多妥時，自然封口唔食。恒隆集團董事總經理陳南祿都話未驚過，拍晒心口話照吃雞。