港府尋日宣布啟動二○一七年特首普選同一六年立法會選舉兩個產生辦法諮詢。負責領軍政改諮詢嘅政務司司長林鄭月娥喺立法會宣讀聲明時話，今日我哋已經正式進入迎接普選嘅「大直路」，呼籲不同政治光譜人士同各界共同努力，凝聚共識，及至回應議員提問時更指政改討論要基於法律框架，否則可能會「走冤路」。雖然林鄭一開始就擺出溝通姿態，但泛民主派就將林鄭嘅「普選大直路」言論形容為障礙賽，如果泛民繼續自說自話而不尋求政改共識基礎嘅話，最終只會令各方都變成大輸家。
