投訴︰遊樂場圍封多月等維修
「房署貼張通告出嚟話要封個遊樂場到做完工程為止，但又唔講個工程幾時做完，依家都幾個月啦，搞到啲細路冇得玩！」家住天水圍天悅邨的莫先生表示，設於悅富樓與悅貴樓之間的兒童遊樂場早於九月中旬因工程被圍封，但工程至今仍毫無完成迹象，令邨內兒童無法享用設施。
房屋署發言人表示，屋邨辦事處在今年九月巡查時，發現遊樂場部分安全地席鬆脫，為免發生意外，已即時圍封及安排維修。承辦商曾在十一月初進行維修，但效果未如理想，需再次安排維修，預計工程可於年底前完成。
促房署監察施工進度
當區區議員趙秀嫻不滿房署大歎慢板，影響居民使用設施，「個遊樂場封咗三個月都未搞掂，真係唔可以接受，就算係承辦商出問題，房署都要認真檢討點樣管理得咁差，仲要諗吓點樣盡快做好佢！」趙要求房署加緊監察施工進度，以免工程再度延誤。