新一份財政預算案明年二月出爐，財爺曾俊華近日開始為預算案廣聽民意，有立法會議員趁機要求鬍鬚曾「撤辣」，提早撤回樓市辣招。辣招點會話撤就撤？鬍鬚曾再擺「一籃子」上枱，重申係咪撤辣需要考慮一籃子因素，仲顧左右而言他，學美國聯邦儲備局考慮調低退市指標咁，話聯儲局都有「郁龍門」嘅時候，呼籲議員支持咗印花稅（修訂）條例草案先喎。講嚟講去，即係龍門任佢擺，講咗等如冇講。
