政情：今日你上鏡︰鍾國斌忙裏偷閒撐枱腳
每逢周三立法會開大會，議員們最少要「滯留」喺立會超過十二個鐘，變相少咗同屋企人相處嘅機會。紡織及製衣業界議員鍾國斌（Felix）為咗爭取同鍾太Jennifer有更多相處時間，上星期三特登相約太太喺太古廣場一間西餐廳食飯拍拖，食飽飽後至施施然返立法會繼續開會。
Felix話，由於太太係家庭主婦唔使返工，加上囡囡又未夠鐘放學，於是可以乘機出嚟一齊食飯。正當兩人食完飯諗住返立法會時，細心嘅Felix發現太太無着平時最愛嘅高踭鞋，鍾太就解釋話自己諗住去shopping買嘢，作好準備要行好耐。