【本報訊】「好傷心，估唔到結果原來是如此醜陋。」當日「盜B案」消息一傳出，即觸動全港父母及網民的心，不停在網上廣傳消息之餘，更自發尋人，即使其後警方將調查重點轉向小凱晴母親，仍有不少網民力撐，相信她不會「作古仔」。但昨晚小凱晴遇害及其母被捕的消息一出，全城才驚覺此殘酷現實，網民無不震怒，痛斥她「冷血」，並直言應該加控她一條「欺騙所有香港人嘅同情心同感情」的罪名！有網民則留言：「對唔住BB，我哋搵唔到你，因為你媽媽放棄咗你，仲呃咗全香港人，你一路好走！」
當日率先在facebook轉載凱晴失蹤消息的網民Winky，直言真相「好恐怖」，她很震驚及失望，如今只覺自己「好蠢」，對於這醜陋結果「好傷心……好憤怒，她這樣處理令全香港人也很心痛。」
小凱晴失蹤後，網民隨即在fb設立群組「我哋要搵番個BB女」，至今有七萬八千人讚好，但如今網民知道真相後直言：「取消這個群組吧！睇到都眼冤！欺騙咗我哋嘅同情心！」有人表示：「我真係接受唔到呀！個BB咁可愛，一個正常人點可以落到手？仲要係自己懷胎十個月咁辛苦生出嚟！癡線o架？」