立法會政府帳目委員會上周發表調查報告，罕有「痛斥」前廉政專員「貪湯」湯顯明連番惡行，但貪湯不但冇虛心接納報告建議，更即日透過律師行發表兩頁紙聲明，希望帳委會精確指出佢「『違』了哪些『規』」，引起公眾嘩然。廉署前總調查主任查錫我尋日開猛火還擊，反問貪湯「係咪外星人嚟o架？」點解佢嘅諗法會同全港七百萬人咁大落差，仲覺得自己冇錯，直斥佢係「懦夫」，直頭想將貪湯踢出地球咁肉緊。
