電車軌水浸 路政署捱批
張小姐日前於上環西港城電車總站候車前往西環，發現路軌嚴重積水，「搞到好似水浸咁，一有車埋站啲水就濺到周圍都係，避都避唔切！」張憶述當日水花濺至腳踝位置，鞋面幾乎濕透，要求電車公司及部門交代事件。
電車公司發言人表示，接獲轉介後已再次提醒車長，需在路軌有積水時及下雨期間慢駛，以免積水濺出；但對於涉事路段有積水事宜，市民則需向路政署反映。
路政署發言人稱，接報後已即時聯同電車公司跟進，並安排清理附近排水渠道。「路政署唔收投訴就唔去清排水渠，電車公司就仲離譜，叫乘客自己同政府講路軌有積水！如果佢哋肯早啲同政府溝通，就唔使搞到乘客對腳濕晒啦，真係不負責任！」張小姐不滿路政署後知後覺，亦對電車公司罔顧乘客利益表示遺憾，要求檢討。