政情:公民講場:戴鄭唱反調 泛民似散沙

全國人大常委會副秘書長兼基本法委員會主任李飛訪港,講述《基本法》同政改嘅法律問題,但李飛未開口,香港班泛民主派已經鬼打鬼,各持己見。話說佔領中環行動發起人戴耀廷,希望李飛唔好觸及政改問題,又話泛民無需要見李飛。點知真普選聯盟召集人鄭宇碩就唱反調,話如果李飛有誠意就應該接見包括泛民在內嘅全體議員。一邊嫌自己不獲接見,一邊就話無需要見面,如此口徑不一,十足一盤散沙。