「貪曾」前特首曾蔭權爵士同「貪湯」前廉政專員湯顯明呢對貪腐孖寶，牽涉連串貪腐醜聞而被廉政公署調查至今，依然未聞樓梯響，其中貪曾接受富豪款待嘅醜聞更加查咗近兩年都未有聲氣。事實上，廉署今年貪污舉報數字按年急跌三成半創新低，去年亦已向立法會成功爭取加開一個助理處長職位，但對於貪曾同貪湯嘅調查依然蟻躝咁慢，完全唔符合香港速度，係極不尋常至啱。究竟係有關案件牽連太廣令案件變得複雜而拖慢進度，抑或係廉署調查歎慢板呢？
