選舉事務處總選舉事務主任李柏康解釋，當局已加入面對大型疫症爆發下押後投票或點票嘅條文，如果屆時發生突發情況，當局會按既定機制處理。卿姐對呢個答案當然唔滿意啦，莫非佢預知香港實行普選後會發生類似情況，所以要求當局預早諗定計救亡？
反超選 「一舊雲」似失憶
另外，人稱「一舊雲」嘅黃碧雲尋日又有笑料，佢喺會上質疑當局企圖修改有關超級區議會嘅選舉法例，係想偷步製造事實，為下次立會選舉保留超級區議會議席鋪路。不過，今屆立法會之所以新增五個俗稱「超級區議會議席」嘅區議會（第二）議席，全因為該黨三年前政改一役提出超級區議會功能界別方案，唔通一舊雲唔記得咗呢段往事？