九巴脫班嚴重 乘客慶爆
九巴脫班陋習未改，乘客等到「火都嚟」！習慣於傍晚七時多於大埔廣福邨候車的黃小姐指出，72X原訂十二至十三分鐘開出一班，卻不時出現脫班情況，嚴重時脫班會近半小時，情況尤以下班時段最為嚴重，「等半個鐘都冇一班車，條人龍長到兜埋出行人路喇，唔嬲就假！」
回應千篇一律
九巴發言人表示，根據當日行車紀錄，有關班次服務大致正常，各班巴士均大致依照其編定時間開出，但受沿途上、落客時間影響，部分班次或未能按編定的相隔時間到達各分站接載乘客，強調會密切留意該線於上述時段的班次，必要時會作車務調動。
「九巴唔係話塞車、就係上落客搞到遲咗，次次都係呢啲回覆，仲有冇新意？」黃不滿九巴的回應千篇一律，要求九巴正視市民需求，按時出車減低市民候車時間。