鄉議局今年七月突然發功反對擴建屯門堆填區，令環境局局長黃錦星（星星）擴建堆填區大計兵敗如山倒，星星有咗上次失敗經驗，今次對於受影響嘅地區人士提出嘅建議都分外重視。最新講法係星星積極研究喺擴建堆填區範圍邊緣同附近龍鼓灘村之間，增加綠化帶作為環境緩衝，擺明想畀返啲甜頭當區居民。不過，睇嚟呢啲都係整色整水嘅措施，唔通喺垃圾站四周擺幾盆植物就可以隔絕晒啲臭味咩？
