面試全英語 要識奧巴馬
【本報訊】「依家小朋友兩歲去幼稚園面試已經考父母全名、屋企地址，其實呢類題目都屬於小一面試嘅程度。」小一功課題目深奧程度固然令人咋舌，連帶直資或私小的小一面試，以至幼稚園K1面試考核題目亦趨向「提前化」。有舉辦小一面試班的機構透露，近年部分小學面試以全英語進行，甚至要考生看圖片辨別美國總統奧巴馬，試題之深進一步催化家長「狂谷」子女，最終導致惡性循環。
維思教室中心經理陳麗芳稱，部分直資或私小為方便甄選學生，會加深面試題目，「有九龍塘名校幼稚園K3（高班）已教重組句子，所以有啲直資小學面試時都會考，而呢兩年開始興iPad，亦有小學要求考生以iPad答題」。她指出，由於面試題愈來愈深，家長愈見緊張，部分家長同時為子女報讀兩個不同機構的面試班「買保險」，令今年報讀小一面試班的人數較去年大增五成。
狂谷子女 影響關係
惡性循環現象令幼稚園面試題的程度亦較以往深，恩培教育中心負責人許秀香舉例說：「依家去考K1（幼兒班）已要求考生認顏色和數數字，呢啲本來係K2（低班）課程，有啲小一面試甚至問考生住嗰區有邊啲區議員。」
中文大學教育心理學系卓敏講座教授侯傑泰分析，惡性循環的問題源於家長過度緊張，「學校聲譽只係家長介意，多過小朋友介意」，若過度安排子女參加不同面試班，只會導致子女因太勞累而削弱對學習的興趣，甚至會影響親子關係，得不償失，建議家長多花時間學習與子女溝通的技巧。