行人路磚下陷 路署遲維修
行人路磚下陷久未修妥，途人隨時「誤踩陷阱」！天水圍街坊梁先生指出，天恩邨巴士站外近天華路迴旋處的一段行人路路磚下陷多時，擔心路人會遭絆倒受傷，不滿當局一直未有派員維修，「朝朝都有好多人行呢條路去河畔嗰邊晨運，但就一路都冇人整，個窿咁大，唔覺意踩咗落去真係會跌親！」
部門之間欠溝通
路政署發言人證實，經巡查後發現該處行人路路磚有破損，已安排承建商完成維修。發言人指出，該署負責轄下公共道路和附屬設施保養工作，會定期派員巡查，如發現路面或附屬道路設施有破損，會適時安排維修，保障道路使用者安全。
「路政署梗係要派人落區巡，但食環署日日都有人嚟掃街，如果佢哋見到都可以同路政署講，冇理由部門之間冇溝通！」梁先生指路面損壞情況普遍，除靠路政署主動巡查，政府部門間亦應常作溝通，令類似的社區問題得以盡快解決。