食署執法疏 走鬼檔勁阻街
港鐵大埔墟站Ａ出口對出有蓋行人通道不時有小販擺賣，吸引大批途人駐足圍觀，繁忙時間更造成阻塞，「成日都有小販喺度開走鬼檔，但我從來冇見過食環署啲人過嚟巡過！」何小姐每日均行經上址，發現「走鬼檔」有增無減，不滿當局疏於執法，令情況愈趨嚴重。
今年至今僅七宗檢控
食物環境衞生署發言人表示，接獲本報轉介後已即時派員巡查，發現兩名持牌流動小販於該處擺賣並造成嚴重阻塞，已向有關人士提出檢控。發言人續稱，由今年一月至今共接獲八宗相關投訴，並提出七宗檢控。
「平均每個月一宗檢控都冇，但呢度真係成日都有人擺檔o架喎，食環署咁做嘢法，啲小販又點會驚？」何小姐不滿食環署執法數字奇低，未能收阻嚇之效，令無牌小販擺賣問題解決無期。