政情：今日你上鏡：李國寶太太 「蒙面」出街

近日香港空氣污染指數高企，人多車多嘅中環空氣更加渾濁。前日下午兩點幾鐘，我哋就喺中環皇后大道中見到東亞銀行主席李國寶太太潘金翠戴住個口罩行街。本來戴口罩好平常，但佢個口罩嘅外形實在太特別喇，引來唔少途人目光。點特別法？佢戴嘅三層口罩覆蓋咗大半張臉，幾乎連對眼都遮埋。後來，佢走到人流稀少嘅德忌利士巷，先至脫下口罩，然後傾住電話慢慢行入余道生行。