政情：公民講場：食建制派檸檬田少面懵懵

免費電視發牌風波鬧得熱烘烘，原來唔單止為泛民主派提供政治彈藥，仲為喻為建制派「壞孩子」嘅立法會議員田北俊（田少）提供一個出位機會。田少發起建制派聯署，促請政府向香港電視發出免費電視牌照，點知建制派就以司法覆核進行中為由拒絕，請佢食咗一個大檸檬，田少惟有面懵懵要求泛民主動提出聯署要求。其實泛民之前提出引用《立法會（權力及特權）條例》要求政府公開行政會議討論發牌嘅內容，田少就猶抱琵琶半遮臉話要視乎情況而決定係咪支持，但依家又忽然提聯署要求政府發牌畀港視，唔知佢想點呢？