中學文憑試通識科呢兩年試題包括立法會「拉布」等必答題，立法會議員梁美芬早前就話通識科已經政治化，主張取消必答題，點知有關建議一石激起千重浪，教協反駁話梁美芬上綱上線，兩者喺報章足足「筆戰」咗一個月有多，最近教協仲動用《教協報》要求梁美芬道歉。直到尋日，輪到梁美芬發動千個家長聯署，去信抗議教協抹黑，欺人太甚，兼且製造白色恐怖，要求對方撤回道歉要求。我哋尋日搵過教協立法會教育界議員葉建源，但佢未有回覆，唔知教協幾時再寫文反駁呢？睇嚟呢單嘢真係沒完沒了。
