中環出更：嶺大頒院士 名人喜洋洋

老友齊捧包陪慶場

其實Anna都唔使咁羨慕嘅，雖然佢兩個囝囝並未現身，但都有唔少老友嚟捧場，當中最具分量嘅要數外交部駐港副特派員姜瑜，事關姜瑜向來低調，好少出席私人活動，今次都專程去賀Anna。卓妮見佢哋兩個姊妹情深，一見面就拖實對方雙手雞啄唔斷，足足幾分鐘先肯放手。另外，中華廠商聯合會會長施榮懷、港區全國人大代表姚祖輝都親身去恭喜Anna。

Sophie話，佢近年好積極做運動，事關覺得活動即係「活着就要動」，所以每朝都同老公去馬會會所玩跑步機，次次都做成個鐘。卓妮問佢最近有乜投資心水，佢就笑笑口話已經冇做投資，自退出立法會後，將精神放晒喺自己創辦嘅青年企業家發展局上，其餘時間就用嚟湊三個孫喎。

包陪慶（左）同姜瑜（右）外形有啲相似，而且感情特別好。（溫國佳攝）

陳禹嘉（右）兩子女都去晒英國升學，幸有太太李淑慧（左）甜蜜伴隨。

至於首次獲頒榮銜嘅James，企喺台上時表現有啲緊張，台下嘅太太李淑慧就好醒目咁做手勢，提示老公要保持笑容。James嘅三個仔女未有現身，陳太話，大仔同二女已經去咗英國留學，得番細仔喺身邊，雖然唔習慣屋企靜咗咁多，但覺得仔女性格比較適合外國升學喎。

卓妮