政情：公民講場：曲線救蘇錦樑 林鄭又做超人

喺毫無先兆之下，政府尋日宣布成立專責小組處理政改，成員包括政務司司長林鄭月娥、律政司司長袁國強、以及政制及內地事務局局長譚志源，政府出手之快，連立法會議員都幾乎反應唔切。公布得咁急，政圈都估計同電視發牌有關，邏輯係如果大家將注意力分散咗去關注政改，或者就會少咗人理會政府嘅電視發牌決定。如果實情真係咁，今次又係由林鄭出手，去打救商務及經濟局局長蘇錦樑嘞。話林鄭係政府裏面嘅Super Woman，佢真係受之無愧呀。