【本報訊】「都幾驚險，當時冇諗過佢（色狼）有冇武器，見邨民有事，一切救人為先。」今次勇擒色狼的跆拳三小子，弟弟振順對跆拳道最為熱衷，擁黑帶一段，過去在多場學界賽及公開賽中經常名列三甲，現時已加入港大跆拳道學會，希望能參加今屆大專盃，為港大爭光。他憶述事發時，健碩的色狼一度頑抗，他遂以「格擋」防守，再伺機將色狼箍頸按地鎖住。振順謙稱自己不是擒賊英雄：「畀着任何一個都會出手相救，咁啱撞正係我先幫手啫！」
振順與兄長振盛從小跟隨師傅學習跆拳道，期間在班上認識國豪。他憶述前晚與色狼交手時指：「當時冇諗過咁多，自己都衡量到風險，加上有國豪幫手，所以都冇咁擔心。」他事後也未敢邀功，大讚一班熱心街坊守望相助，深深體會到社會凝聚力的重要性。