「貪曾」前特首曾蔭權爵士任內貪盡海陸空、歎盡省港澳，借外訪遊埠不特止，仲亂花公帑買酒，被廉政公署調查期間，仲同一班「曾朋友」富豪坐郵輪豪遊地中海，實在令人髮指，佢嘅貪腐惡行已經臭名遠播，確係乞人憎。不過，沒有最乞人憎，只有更乞人憎，呢個就係過去三年來遲遲唔肯就菲律賓人質事件慘劇道歉嘅菲律賓總統阿基諾三世，佢唔道歉不特止，仲搵菲律賓傳媒斷章取義聲稱特首梁振英已認同將人質事件「放下」，因而被各界炮轟「明玩香港」，要求港府想辦法制裁菲律賓，否則香港顏面何存？
