政情：公民講場：告人問立會 律政司失「控」

五名社民連成員、包括多名社民連立法會議員梁國雄（長毛）嘅助理，涉嫌喺今年四月在立法會大樓「玩升降機」，或觸犯干預議員罪行。有消息話警方已完成調查，並將證據提交律政司考慮係咪提出檢控，如果夠料嘅話，就可以以觸犯干預議員罪檢控其中兩人，但點知律政司竟然要去信諮詢立法會行政管理委員會嘅意見。雖然律政司只係話諮詢意見，但據講最後好大機會跟隨立法會嘅意願，令立法會變成檢控官。無論立法會最後決定係點，對案件都係唔公平嘅，加上近日律政司連番砌生豬肉炮製冤案，實在令人質疑律政司無能處事囉！