政情：浸大聘名廚　私房菜宴客

位於九龍廣播道、原屬於浸會大學校長宿舍嘅「紹邦樓」私竇，自從變身為校方招待國際知名學者聚腳點及宴客廳之後，校長陳新滋亦經常喺度款待大學捐款人等社會賢達，為咗招呼呢班貴賓，菜餚水準自然有要求。陳新滋話，以前佢哋請客多數會叫到會，但係食肆會收取幾千元嘅食材搬運費，埋單計數仲貴過喺餐廳食。所以佢哋索性聘請知名粵菜館名廚坐鎮，又開放畀各部門使用，結果訂位經常爆滿，為學校慳番唔少添！
陳新滋（左一）宴客感謝戴澤良（右一）及羅台秦（右二）慷慨解囊，梁唐青儀（左二）亦抽空去支持。
陳新滋（左一）宴客感謝戴澤良（右一）及羅台秦（右二）慷慨解囊，梁唐青儀（左二）亦抽空去支持。

坐鎮紹邦樓　大獲好評

早前一個晚上，陳新滋就喺紹邦樓宴請仁愛堂副主席羅台秦（Louisa）及丈夫中華廠商聯合會常董戴澤良等人，事關佢哋捐款支持浸大嘅基礎科學教學。當晚特首梁振英太太梁唐青儀亦係座上客，Louisa話，佢因為支持減少廚餘而與梁太熟稔，當晚特登邀請梁太去睇吓點樣喺浸大推動環保，打造低碳校園，同場仲有仁愛堂主席陳鄭玉而及副主席吳明珍等人。眾人對紹邦樓嘅私房菜讚不絕口，笑言要捐多啲錢畀學校，咁就有得再食過喎。

浸大紹邦樓。
  • 浸大紹邦樓。

第一手消息請下載on.cc東方互動iPhone/iPad/Android/Windows Phone Apps