政情：公民講場：存酒紀錄 貪曾「燒」毀晒？

「貪曾」前特首曾蔭權爵士被揭任內貪盡海陸空、歎盡省港澳，又豪花公帑購買紅酒同烈酒，臨卸任前仲公然將十箱公家名貴茅台酒偷運到前任行政長官辦公室收藏私用，究竟貪曾任內飲咗多少、拎咗幾多同剩低幾多支酒，根本無人知。最離譜嘅係，申訴專員公署經調查後發現，自回歸後十五年來特首辦所有嘅存酒紀錄都已被銷毀，令執法部門無法追查貪曾有冇私吞咗啲公家美酒，令人質疑係咪貪曾喺背後做手腳，故意將偷酒罪證毀屍滅迹。還記得幾年前貪曾去秘魯公幹期間，佢嘅家務員私自邀請大批朋友去禮賓府燒烤，唔通用嚟透爐嘅正係貪曾嘅存酒紀錄？