上環德輔道西西行方向近皇后街一帶常有車輛違例停泊，有礙道路暢順。街坊楊先生指出，部分違泊車輛更會公然停泊於巴士站，影響巴士「埋站」上、落乘客，「日日泊喺巴士站，成幾個鐘都冇警察嚟抄牌，有冇再離譜啲？」楊不滿警方疏於巡查，要求從速改善，以免其他司機「有樣學樣」。
警方發言人稱，當局一直有留意上址一帶違例泊車情況，並經常派員進行交通管制行動，以確保道路暢順及其他道路使用者安全。發言人又說，警方於今年一月至八月期間共接獲約八十宗相關投訴，並在上址一帶向違例車輛及司機發出超過四百張定額罰款告票及四百個口頭警告。
「咁多人投訴，就證明呢度違泊問題幾咁嚴重！警方可唔可以再積極啲解決！」楊先生直言情況至今仍然毫無改善，要求警方加強執法，以提高阻嚇力。