醫學界立法會議員梁家騮（怪醫） 喺呢屆立法會「榮升」新一任大懶蟲，佢喺上一個年度無論喺內會及財委會嘅出席率都差強人意，喺其中四個委員會更係包尾，其中喺長期護理政策小組委員會，佢嘅出席率不足四成，點知怪醫最近仲去信畀小組委員會主席話要退出。怪醫就話，小組委員會開會時間「長期唔規則」，好難夾時間，而且佢係做醫療，唔係福利咁話。如果係咁，佢真係應該退出埋福利、經濟發展、人力等事務委員會喇。睇嚟佢都唔多想喺下屆選舉中連任啦，但佢又話未決定喎。
