探射燈：待遇遜外國 做到心灰意冷
公立醫院灌注師在護理職系下，與註冊護士的薪酬待遇無異，惟屬專職醫療職系的外國灌注師，薪酬較護士多逾七成。根據醫管局二○一三年護理職系薪酬表，註冊護士的起薪點為每月二萬四千四百五十港元，年薪約三十萬元，灌注師的薪酬及晉升與一般註冊護士相同。
人手不足 全年候召
但根據美國的薪酬調查網站資料，具一年經驗的註冊護士年薪中位數為五萬二千美元（約港幣四十萬元），而灌注師年薪中位數則為九萬美元（約港幣七十萬元）。
「最人手不足嘅時候我試過一年都on call（候召），邊度都去唔到。亦曾經一日做三個手術。」一名公立醫院灌注師指，灌注師工作壓力龐大外，更要面對不少驚險場面，「試過部人工心肺機做做吓手術故障，要用人手『搞』，等另一個灌注師拎另一部嚟，令到病人心臟停咗十五秒。」他指，現時的待遇令灌注師心灰意冷，「做病房護士冇咁辛苦，又一樣人工，好多人做到咁上下就轉走。」
市民點睇
朱先生（印刷業）：「佢哋（灌注師）工作好重要，唔可以犯錯，應該要有番咁上下待遇，有番專業名銜都好，我哋都有信心啲。」
徐小姐（中學生）：「其實如果需要嘅知識特別多，但待遇唔係特別好，而且冇專業job title（專業名銜），人才流失都好正常！」