政情：公民講場：貪曾「火藥庫」 局長輪流中伏

「信佢一成，雙目失明」。尋日有憤怒嘅家長遊行，不滿大批跨境學童家長連日喺香港爭幼稚園報名表，就以呢句說話大罵教育局局長吳克儉。花名「唔得掂」嘅吳克儉縱使係一個平庸嘅官員，但係跨境學童一事點都唔應該鬧佢，因為呢啲都係上屆以「貪曾」前特首曾蔭權爵士為首嘅上一屆政府埋下嘅炸彈。貪曾貪威識食乜都唔做，一做就亂咁做，又話搞乜嘢醫療同教育產業，無計劃地讓內地人爭奪港人嘅利益。之前搶奶粉已經為食物及衞生局局長高永文帶嚟唔少麻煩，呢期又話搶學位，埋下咁多炸彈，真係多得貪曾唔少呀。