開課才五周 七學童失蹤 一死三尋回
本港今年九月開學後掀起學童失蹤潮，短短五星期至少七名學童失蹤，其中一人自殺身亡，三人至今音訊全無，當中一名十四歲及九歲校服女生上周五均在放學後突然人間蒸發。其中就讀嘉諾撒培德書院的中三女生黎靜婷，家人連日來在facebook尋人，更總動員反轉港島找其下落，黎母幾近崩潰，坦言：「我就嚟頂唔到，癲啦！女，你去咗邊呀？」據悉，兩人已被警方列為高危失蹤人士，正追查兩人手機及電腦尋求線索。
失蹤的女生黎靜婷，洋名Angie，身高約一點五五米，身材偏瘦，蓄齊蔭短髮，在香港仔貝璐道嘉諾撒培德學校讀中三，與曾開設飛鏢道場的家人同住西環，平日上學及放學均會乘搭7號城巴。Angie的阿姨Jovi上周六在fb發出尋人貼子，指Angie上周五晚上七時在香港仔搭巴士回家途中，曾致電回家聲稱在瑪麗醫院遇上塞車，會「遲少少返到屋企」，但之後便告失蹤。
fb哀號「返嚟啦！」 搵遍港九新界
在北角一間教育中心擔任校監及校長的Jovi，指姨甥女平時好乖好純，與家人關係融洽，家人擔心不已，並已報警處理。家人商量後將Angie多張近照上載fb，希望有心人幫手留意其下落，她失蹤時穿藍色連身校服裙。尋人消息一出，引起全城網友回響，且不斷轉發訊息。不過，家人一直仍未有Angie消息。
黎母Joanna精神幾近崩潰，前晚在fb大呼：「我就嚟頂唔到，癲啦！女，你去咗邊呀？」又嘆謂：「女，我行到腳痛，都搵你唔到，我已經由西環行到銅鑼灣，都冇，你喺邊呀？我好似傻婆咁！返嚟啦！」直至昨凌晨，她「搵到企唔穩」始回家休息。黎家昨踏破鐵鞋尋人，Jovi坦言：「已經過咗兩日，愈遲搵番佢就愈危險……我哋成家人呢幾日已經力竭筋疲，不停走遍港九新界……」
她又慨嘆：「可能對好多人嚟講小朋友失蹤好小事，但有時真係針唔拮到肉唔知痛，依家個世界同以前唔同，年輕人發生意外嘅數字不斷飆升，做屋企人嘅又點可以話唔擔心？唔通真係一句，唔見咗都冇辦法啦，就算數？」她又稱：「大家都有最親、最愛嘅屋企人，大家都唔希望自己屋企人發生咩意外，我真係好希望大家可以幫幫手。」至晚上Jovi留言大呼：「我頂唔順啦！」
另樂富9歲女放學蹤杳
Joanna昨接受本報查詢時表示：「到依家都無阿女消息，已冇其他資料可以發布，暫時唔使幫忙，多謝關心。」Jovi亦稱：「大家揸車到全港各處搵佢，但依然冇其音訊，佢要返嚟嘅話已返咗嚟，都唔知佢去咗邊，暫時冇嘢需要幫手。」警方港島失蹤人口調查組正追查其下落，並調查她最後以手機致電回家的所在位置。
至於另一名高危失蹤女生年僅九歲，上周五離開黃大仙樂富邨寓所上學，放學後一直沒有回家，當晚向親友尋找其下落沒有結果而報警，但家人要求將女童身份保密，故警方未有公布其姓名及相片。由於女童在十二歲以下，失蹤超過十二小時，案件交由黃大仙警區刑事調查隊跟進。
學子反應
曾同學：「我獨自搭巴士嘅時候，會留意有冇被人跟蹤，平時返學放學出入時會小心，所以唔擔心。」
歐陽同學：「香港仔治安好，巴士站又多人，父母都有叮囑我要小心，所以唔太擔心遇上壞人被人擄走。」
尋回：香嘉露
年齡：18
失蹤日：9月6日
尋回：張綺琦
年齡：13
失蹤日：9月11日
尋回：梁龍生
年齡：13
失蹤日：9月13日