粉嶺站近A2出口附近所設緊急逃生梯佔用約三分一條公用行人路,曾先生每天均途經該路段,不滿逃生梯佔用路面致寸步難行,「條路真係好多人行,港鐵係都要放條逃生梯喺度阻住晒,搞到成日塞死晒過唔到。」曾指大部分市民乘搭港鐵後皆會轉乘小巴或巴士往聯和墟與沙頭角等地,希望港鐵為市民着想遷移逃生梯。
粉嶺站外多候車客
「市民守秩序排隊梗係秩序良好啦,但港鐵阻住條路都係事實,影響行人同候車環境都係事實!」北區區議會交通及運輸委員會主席劉國勳指出,早在四年前已向港鐵反映問題,惜未獲正視,「其實改個逃生梯去轉角位就唔使阻住條路,但港鐵居然話搬走咗車站就冇咁多人行,根本就係本末倒置!」劉不滿港鐵每年花費五十億元美化站內設施,卻無視設施阻礙行人,做法霸道。
香港建造業總工會理事長周聯僑亦認為,逃生梯出口設於人多擠迫地方並不恰當,「緊急出口唔應該喺正人多擠迫嘅位,理論上應該移去少人啲嘅地方!」周指遷移逃生梯的工程僅需十多日,花費約十五萬元,耗費並不巨大,「港鐵話年年用五十億做改善工程,十幾萬好小兒科,佢哋有責任令啲設施唔影響市民正常活動。」周要求港鐵盡快進行改善工程,解決通道阻塞問題。
記者:楊育輝