公民講場：屢做「爛頭卒」 栢志高受權壓？

「貪曾」前特首曾蔭權爵士涉嫌為乞求與前教宗本篤十六世私人會面，曾與意大利政要進行「魔鬼交易」，阻撓香港當局移交涉及前意大利總理貝魯斯干尼案嘅證據。當年擔任「中間人」嘅香港駐歐盟特派代表栢志高，報稱同前意大利參議員會面時回絕對方干預司法要求，但最吊詭嘅係栢志高明知對方來意後亦無避嫌，曾同對方再次會面且有書信來往，究竟背後仲隱藏咗咩秘密呢？難度栢志高再三要做「爛頭卒」係身不由已，其實有「幕後魔鬼」暗地裏向佢施壓？有人估計呢隻「幕後魔鬼」最大嫌疑就係派佢去「拉線」嘅貪曾，如果屬實嘅話，栢志高應該企出嚟指正貪曾，免得呢隻「幕後魔鬼」繼續逍遙法外！