政情：林貝聿嘉潮戴大框鏡

明星配戴大框眼鏡曾經係潮流指標之一，搞到好多年輕人都跟風配番副，但估唔到連年屆七十五歲嘅香港各界婦女聯合協進會主席林貝聿嘉，最近都換咗副黑膠大框眼鏡趕上潮風。林太話，呢副黑膠框眼鏡戴咗都唔夠一個月，換眼鏡係因為之前副眼鏡都戴咗幾年，有朋友就建議佢不如換呢款眼鏡試吓喎，望落果然後生咗。估林太到咗呢個年紀仍然敢於試新嘢，真係夠晒開放，稱得上係「新耆士」。