紅磡站B出口翳焗依舊
港鐵紅磡站B出口通道一直被指「超翳焗」，本報於去年亦曾作相關報道，當時港鐵承諾會密切留意情況。不過，經常行經上址的陳伯卻稱，夏季將過，但上址通道翳焗情況依然，質疑港鐵「得個講字」，「一把風扇都冇，熱到成個焗爐咁，我次次行過都喘晒氣，港鐵係咪靠害？」
港鐵發言人表示，有關行人通道使用天然通風設計，為令車站範圍及行人通道空氣更流通，已於今年年中起陸續額外增加車站範圍風扇數目，稍後亦會繼續在車站行人通道的位置，包括B出入口的行人通道進行改善通風系統工程，預計會於明年內完成。
「價佢哋（港鐵）就加得咁快，但加幾把風扇都要三催四請，仲要等到出年先做改善工程，真係太離譜！」陳伯指紅磡站已啟用超過三十年，相關設施已告殘舊，惟港鐵一直未有急市民所急，表現令人失望。