立法會政府帳目委員會尋日再度公審「貪湯」前廉政專員湯顯明，被質疑喺帳委會發假誓、作假證供嘅貪湯為求自保，喺聆訊中竟然將瘋狂外訪嘅責任全部推卸落提攜佢嘅「貪曾」前特首曾蔭權爵士身上。貪湯唔只透露貪曾極速審批佢嘅外訪申請，更大爆貪曾原來對外訪申請從無懷疑、從不跟進。而貪湯每次外訪完更加係唔需要向貪曾提交書面報告，交代外訪成效。總之貪湯講到咩都唔關自己事，全部係貪曾唔管唔理，真係大難臨頭各自飛，你死好過我死，更甚係兩兄弟攬住一齊死。
