大廈平台僭建 八年仍未拆
旺角西洋菜街有大廈平台僭建八年依然未拆！「僭建即係唔合法，唔合法但又冇監管，咁即係我可以搭個地方出嚟，拎嚟租畀人又好、拎嚟當舖做生意都好，都唔會有人理？」廖小姐指西洋菜街有大廈平台整層僭建一列鐵皮屋，不滿作為執法部門的屋宇署多年來一直視若無睹，令僭建物屹立至今。
屋署：優先取締類別
屋宇署發言人承認曾於○六年根據當時的執法政策，向有關業主發出「警告通知」，並送交土地註冊處登記（俗稱「釘契」），有關警告只會在業主清拆僭建物後才會註銷。而按一一年新修訂的執法政策，上址平台僭建物屬優先取締類別，該署將按序發出清拆令，並已發信敦促業主盡快清拆僭建物。
「一句講晒，屋宇署做唔到嘢！」廖小姐認為「釘契」對並無打算出售單位及僭建物的業主毫無阻嚇作用。