投訴：車房霸路擺車 市民無路行
違例泊車無懼警方檢控，行人通道頓變停車場！鄧先生不時途經土瓜灣長寧街，發現有車房為多做生意，竟將多部車輛「打橫」停泊行人路上，完全罔顧其他道路使用者的需要，令市民寸步難行。「投訴過好多次，但佢哋仲係咁泊晒啲車喺行人路，完全當警察冇到，搞到我哋要行出馬路！」
警方發言人承認，今年一月至今曾接獲十四宗涉及上址的違例泊車投訴，並向違例車輛發出超過一百一十張定額罰款告票，又表示已安排前線人員加強巡邏。
「抄咗百幾次牌情況都係咁，除咗繼續罰錢之外，究竟仲有冇其他方法可以解決問題？」鄧先生要求警方盡快打擊違法行為，「畀番條路市民行」。