拆天台僭建拖四年 屋署求其
「天台嗰個僭建起咗咁耐，有鐵枝又有天線，如果刮大風畀風吹咗落街都唔知點算！」何小姐居於深水埗，發現桂林街有唐樓天台僭建鐵皮屋，多年來一直無人處理。由於鐵皮屋附有不少鐵枝及天線，何小姐擔心一旦刮大風附建物將容易被吹倒並壓倒途人。
屋宇署發言人證實，上址天台有若干僭建物，該署已於○九年按當時的執法政策向有關業主發出法定命令，着其清拆天台僭建物。由於有關業主於期限過後仍未遵從命令，故該署已發出警告信，並考慮根據《建築物條例》向有關業主提出檢控。
街坊轟處事敷衍
「四年前已經叫佢拆都仲可以留到依家？如果冇人投訴係咪就由得佢一路喺度？」何小姐不滿屋宇署處事敷衍，任由僭建物屹立至今，要求當局即使發信後亦要積極檢查違規業主有否拆除僭建物，若對方無視命令便應及早檢控，以儆效尤。