政情：收料站：鄭麗莎嫁了 要生6個B
「蜘蛛女」鄭麗莎（Lisa）月前喺長洲太平清醮搶包山比賽中失落「包山后」寶座，但「包」場失意，情場得意，佢尋日就同拍拖兩年多嘅男友Calvin遠赴關島註冊結婚。Lisa同Calvin都嚮往熱熱鬧鬧嘅家庭，仲希望可以趁後生生夠六個BB，睇嚟兩人婚後首個目標應該係努力「造人」喇。
健身室邂逅丈夫
Lisa之前接受傳媒訪問，透露Calvin係牛津大學畢業生，畢業後任職投資專家，學業成績頂呱呱之餘，仲係跆拳道黑帶，可謂文武全才。至於兩人相識經過，佢話自己早年與友人合資綜合格鬥健身室，其後喺健身室邂逅Calvin，兩人性格一個動一個靜，十分合拍。
拍拖後嘅Lisa可謂愛情大過天，除咗表明唔參加健美比賽外，仲一度考慮唔參加早前舉行嘅搶包山比賽。雖然最後Lisa與三冠王無緣，但當時Calvin亦有到場打氣，仲鼓勵佢明年再接再厲添！