中環出更:憧憬台個人遊 白富鴻開定舖

台灣風勁吹,政商界紛紛進軍台灣,經營燕窩生意既菁英會榮譽主席白富鴻都部署攻台,下月中將喺台北開首間燕窩店,仲一口氣開夠兩間添。出手咁重,原來係佢睇好中台關係緩和,內地「開綠燈」開放台灣個人遊都未定喎。

瞄準貴價燕窩市場

喺中港兩地有近二十間燕窩店嘅白富鴻,早喺五年前已計劃攻台,但因怕頻頻飛好煩,遂打消念頭。直至近日覓得台灣合作夥伴,一拍即合,決定進軍台灣發展。白富鴻預計,台灣個人遊一旦開通,去台灣玩嘅內地人一定大排長龍,到時定必財源滾滾來。不過,政治嘅嘢實在好難講,佢個如意算盤係咪打得響,真係要拭目以待。

台灣多富貴闊太係不爭嘅事實,佢哋尤其喜歡品嘗越南燕窩,雖然越南燕窩較印尼燕窩貴一倍,仍不乏捧場客。所以白富鴻計劃將貴價燕窩、花膠及元貝等帶進台灣,話唔定成功變身台灣燕窩大王喎。

卓妮

第一手消息請下載on.cc東方互動iPhone/iPad/Android/Windows Phone Apps