中環出更:郊園論爭議「波」及林鄭

發展局局長陳茂波(Paul)早前喺網誌撰文,疑為發展郊野公園「試水溫」,不過事後一直未有現身解畫,直到尋日終於出席酒會,傳媒一擁而上想知究竟,但係佢離開前一言不發,意外累及早佢少少離開嘅政務司司長林鄭月娥寸步難行。

陳現身酒會 齊被圍走唔到

話說香港潮屬各界昨日舉行酒會,港府多名問責官員都有出席。酒會結束後,林鄭離開時,久未露面嘅阿Paul緊隨其後,傳媒蜂擁而上追問阿Paul「郊野公園論」,阿Paul全程一言不發,不消一會更波及林鄭,二人原本只須廿秒離開嘅路線,最終久久不能離去。

相比阿Paul寸步難行,喺酒會台上與陳並排而站嘅食物及衛生局局長高永文喺酒會後留下來,在場人士爭相同佢拍照留念。當問及同屬潮籍嘅阿Paul為何早走,高永文話對方可能有事要做,又否認高民望先可以留下來,笑稱大家不要大驚小怪喎。

卓妮

第一手消息請下載on.cc東方互動iPhone/iPad/Android/Windows Phone Apps