清拆僭建冇期限 欠效力
僭建物增加大廈壓力，隨時危及生命安全！居住油麻地的關女士發現，文明里有業主於平台搭建鐵皮屋作居住用途，擔心影響大廈結構安全，「間鐵皮屋已經搭咗好多年，屋宇署一直都唔理，到底係咪要等到變危樓先做嘢？」關女士不滿屋宇署遲遲未有執法，變相令更多業主無視法例，肆意僭建，危及市民生命安全。
屋宇署發言人證實，於一一年八月已接獲舉報及確認上址平台有僭建物。根據現時政策，有關平台的僭建物屬須優先取締類別。該署已於今年二月向有關業主發出清拆令，但承認根據既定執法政策，處理清拆全港須優先取締類別的僭建物，並無一個目標性的清拆期限。
「發現咗年幾先發清拆令，仲要冇清拆期限！咁邊個會拆？係咪要搞到幢幢樓變晒啟明街嗰幢咁先處理？」關女士不滿屋宇署未有正視問題，要求當局盡快嚴正處理。