美容院涉誤導 消費者被碌爆卡

吳小姐透過團購網站購買永久脫毛療程，在美容院進行首次療程時，職員即指吳有毛囊炎，游說加錢使用升級服務。吳憶述當時赤裸身體，房間燈光昏暗，期間不斷被職員催逼交出信用卡及簽單，「佢哋唔畀機會我睇單，前後碌咗三次卡！」結果吳被「碌爆卡」仍未能支付全數，職員遂要求吳交出提款卡，「佢哋話唔畀提款卡就唔還返信用卡畀我，我好驚，惟有照畀……」吳最後共簽帳五次，共遭收取逾五萬元。

稱已過冷靜期 拒絕取消

職員聲稱升級後每次費用約二千一百元，不過，美容院發出的收據卻顯示，只有第一次收取上述價錢，其餘十二次均收取四千三百二十元，「佢哋一直都冇提過四千幾蚊呢個數，又冇講過做幾多次！」吳翌日即去信要求取消服務，惟未獲回應，直至一個多月後，職員則以「已超過七日冷靜期」為由，拒絕取消服務。

「話過咗七日冷靜期就冇得取消（服務）都夠撒賴，唔可以由得佢哋咁，點都要追究！」立法會議員麥美娟認為，受害人可嘗試透過小額錢債審裁處索償，亦鼓勵其他受影響消費者勇敢公開經歷，讓市民提高警覺。

法律界人士黃國桐稱，如職員於銷售過程忽略商品或服務的重要內容已屬誤導，受影響者可入稟小額錢債審裁處或法院追討賠償。就美容院未有於七天冷靜期內回覆消費者申訴一事，黃坦言對方有權不作受理，「消費者盡咗責任通知美容院就夠，對方唔覆都奈佢哋唔何！可以拎返封信、出電郵嘅證據，證明已喺七日內做足晒嘢，等法官判。」

涉事美容院發言人稱，因客人毛髮較濃密，建議以半價試做一次「黑色素納米光」療程後，客人以原價購買十二次療程，但因信用卡信用額不足而未有一次性簽帳，需另以提款卡付費。發言人強調客人已清楚收費內容，將會繼續跟進。

消委會：簽帳前宜慎慮

涉及美容消費的投訴近年有增無減，消費者委員會發言人承認，過去三年涉及美容銷售的投訴數字均有上升趨勢，去年接獲的投訴便逾一千宗，其中有關推銷手法投訴有近三百宗，佔投訴總數近三成；今年上半年亦已接獲近五百宗美容銷售投訴。消委會發言人提醒市民，凡使用信用卡簽帳前，應先考慮消費需要，再衡量財政狀況以便作出最審慎理財的決定；若交易時遇有可疑之處，不應隨便簽名確認交易。

記者：陳倩儀、詹海萍