皆因我哋收到消息，話國民黨港澳總支部嘅揸弗人，中山學會主席陳之望上周三晚上，喺中環一間高級中菜酒家擺咗一圍，宴請來港出席台商協會中秋活動嘅僑務委員會委員長吳英毅，傳有人想藉此宴會為挺王行動造勢。據聞當晚獲邀請嘅十四人之中，九人係國民黨港澳支部常委，但由於部分人士聽到該個傳言，所以有兩人話有事未能出席，另外有三、四人更臨時「放飛機」缺席。
陳之望否認挺王
當晚我哋曾經去到酒家現場探看，真係見到陳之望本人。不過，被問到係咪借設宴嚟幫王金平復位呢？陳之望就即時否認，仲話自己身為基督徒可以將隻手放喺聖經上發誓，並無做任何挺王嘅事喎！